
			
======================================================================
LibreOffice 3.3 Lleime
======================================================================

Pa los caberos anovamientos d'esti ficheru readme, llee http://www.libreoffice.org/welcome/readme.html

Esti ficheru contien información importante tocante al software LibreOffice. S'encamienta lleer con atención esta información enantes d'aniciar la instalación.

La comunidá de LibreOffice ye responsable del desendolcu d'esti productu, y te convida a que consideres participar como miembru de la comunidá. Si yes un usuariu nuevu, pues visitar el sitiu web de LibreOffice, onde alcontrarás información abonda sobro'l proyeutu LibreOffice y les comunidaes qu'esisten alredor. Entra nel sitiu http://www.libreoffice.org/.
			
¿LibreOffice ye un productu llibre pa cualquier usuariu?
----------------------------------------------------------------------

Toos puen usar LibreOffice con llibertá. Pues coyer esta copia de LibreOffice ya instalalu en tantos ordenadores como quieras, y usalu con cualesquier propósitu que quieras (incluyíu l'usu comercial, gubernativu, n'alministración pública o educativu). Pa más detalles mira nel testu de la llicencia incluyíu nesta descarga de LibreOffice.
			
¿Por qué LibreOffice ye llibre pa cualesquier usuariu?
----------------------------------------------------------------------

Pues usar de baldre esta copia de LibreOffice porque les persones que collaboren y les empreses patrocinadores diseñaron, desendolcaron, probaron, tornaron, documentaron, dieron asistencia, ficieron publicidá y ayudaron de munches maneres para que LibreOffice pudiera ser lo que ye anguaño - el líder mundial en software de productividá de códigu abierto pa casa y pa la oficina.

Si aprecies esi esfuerzu y te prestaría que LibreOffice siga disponible nun futuru, considera contribuir col proyeutu - ver http://www.documentfoundation.org/contribution/ pa más detalles. Caún pue contribuir d'alguna manera.
			
----------------------------------------------------------------------
Notes sobre la instalación
----------------------------------------------------------------------
			
Requisitos del sistema
----------------------------------------------------------------------

Por regla xeneral s'encamienta instalar LibreOffice usando los métodos propios de cada distribución de Linux (como'l Centru de Software d'Ubuntu, nel casu d'Ubuntu Linux). Esto ye porque, de vezu, ye la manera más cenciella de tener una instalación lo meyor integrada nel sistema. Entá más, seique LibreOffice yá s'instalara de mou predetermináu cuando instalasti el sistema operativu.

Esti instalador «separtáu» de LibreOffice s'ufre pa los usuarios que necesiten previsualizar versiones, que tengan necesidaes especiales, y pa casos fuera de lo normal.

* Kernel de Linux versión 2.6.18 o mayor;
* glibc2 versión 2.5 o mayor;
* gtk versión 2.10.4 o mayor;
* PC compatible con Pentium (recomendable Pentium III o Athlon);
* 256 MB de RAM (recomendable 512 MB de RAM);
* Fasta 1.55 GB disponibles d'espaciu nel discu duru;
* Sirvidor X con resolución de 1024x768 (s'encamienta mayor resolución), con 256 colores polo menos;
* Gnome 2.16 o superior, colos paquetes gail 1.8.6 y at-spi 1.7 (necesarios para la compatibilidá coles ferramientes de teunoloxía d'asistencia [AT]), o otra interfaz gráfica compatible (como KDE, ente otres).

Hai abonda variedá de distribuciones de Linux, que puen tener distintes opciones d'instalación (KDE o Gnome, etc.) pa un mesmu distribuidor de Linux. Delles distribuciones vienen cola so versión «nativa» de LibreOffice, que pudiere tener carauterístiques distintes d'esta versión de la comunidá de LibreOffice. En munchos casos, pues instalar la versión de la comunidá de LibreOffice xunto cola versión nativa. Sicasí, ye preferible desaniciar la versión «nativa» enantes d'instalar esta versión comunitaria. Pa más detalles tocante a cómo facelo, consulta los recursos d'aida al usuariu de cada distribuidor de Linux concretu.

Ye bon vezu, y s'encamienta, facer copia de seguridá del sistema y los datos enantes de desaniciar o instalar software.

Asegurate de tener espaciu bastante nel direutoriu temporal del sistema, y tamién de tener los permisos d'accesu necesarios pa llectura, escritura y execución n'él. Zarra tolos demás programes antes de principiar col procesu d'instalación.
			
Instalación de LibreOffice en sistemes Linux basaos en Debian/Ubuntu
----------------------------------------------------------------------

Si yá tienes instalada una versión anterior de LibreOffice, necesites desinstalala enantes de facer más. Pa tener instrucciones tocante a cómo facelo, llee más alantre la seición titulada «Desinstalar una versión anterior de LibreOffice». Pa tener instrucciones tocante a cómo instalar un paquete d'idioma (dempués d'instalar la versión n'inglés d'EE.XX. de LibreOffice), llee la seición «Instalar un paquete d'idioma» más alantre.

Cuando desempaquetes l'archivu descargáu, verás que'l conteníu se descomprimió nun subdireutoriu. Abri una ventana del alministrador de ficheros y cambia de direutoriu al que comienza con «LibO_», siguío pol númberu de versión y dalguna información de la plataforma.

Esti direutoriu contien un subdirectoriu nomáu «DEBS». Cambiar de direutoriu a «DEBS».

Calca col botón drechu dientro del direutoriu y escueye «Abrir nun terminal». S'abrirá una ventana de terminal. Na llinia de comandu, escribi'l comandu darréu (se pidirá escribir la contraseña del usuariu root enantes d'executar el comandu):

sudo dpkg -i *.deb

El comandu dpkg anterior fai la primera parte del procesu d'instalación. Pa completalu, tamién ye necesario instalar los paquetes d'integración col escritoriu. Pa facer esto, entra nel direutoriu «desktop-integration» que ta nel direutoriu «DEBS», utilizando el comandu darréu:

cd desktop-integration

Agora, executa otra vuelta el comandu dpkg:

sudo dpkg -i *.deb

Agora ta completu'l procesu d'instalación, y habríes de tener los iconos de toles aplicaciones de LibreOffice nel menú d'escritoriu Aplicaciones/Oficina.
			
Instalación def LibreOffice en Fedora, Suse, Mandriva y otros sistemes Linux qu'usen paquetes RPM
----------------------------------------------------------------------

Si yá tienes instalada una versión anterior de LibreOffice, necesites desinstalala enantes de facer más. Pa tener instrucciones tocante a cómo facelo, llee más alantre la seición titulada «Desinstalar una versión anterior de LibreOffice». Pa tener instrucciones tocante a cómo instalar un paquete d'idioma (dempués d'instalar la versión n'inglés d'EE.XX. de LibreOffice), llee la seición «Instalar un paquete d'idioma» más alantre.

Cuando desempaquetes l'archivu descargáu, verás que'l conteníu se descomprimió nun subdireutoriu. Abri una ventana del alministrador de ficheros y cambia de direutoriu al que comienza con «LibO_», siguío pol númberu de versión y dalguna información de la plataforma.

Esti direutoriu contien un subdireutoriu nomáu «RPMS». Cambiar de direutoriu a «RPMS».

Calca col botón drechu dientro del direutoriu y escueye «Abrir nun terminal». S'abrirá una ventana de terminal. Na llinia de comandu del terminal, escribi'l comandu darréu (te pidirá qu'escribas la contraseña del usuariu root pa poder executar el comandu):

Pa los sistemes basaos en Fedora: su -c 'yum install *.rpm'

Pa los sistemes basaos en Mandriva: sudo urpmi *.rpm

Pa otros sistemes basaos en RPM (Suse, etc.): rpm -Uvh *.rpm

El comandu anterior fai la primera parte del procesu d'instalación. Pa completar el procesu, tamién necesites instalar los paquetes d'integración col escritoriu. Para facelo, entra nel direutoriu «desktop-integration» que ta nel direutoriu «RPMS», usando'l comandu darréu:

cd desktop-integration

Agora, vuelve a executar el comandu d'instalación:

Pa los sistemes basaos en Fedora: su -c 'yum install *redhat*.rpm'

Pa los sistemes basaos en Mandriva: sudo urpmi *mandriva*.rpm

Pa otros sistemes basaos en RPM (Suse, etc.): rpm -Uvh *suse*.rpm

Agora ta completu'l procesu d'instalación, y habríes de tener los iconos de toles aplicaciones de LibreOffice nel menú d'escritoriu Aplicaciones/Oficina.
			
Notes tocante a la integración nel Escritoriu de distribuciones de Linux nun mencionaes nes anteriores instrucciones d'instalación
----------------------------------------------------------------------

Tendría de poder instalase de mou fácil LibreOffice n'otres distribuciones de Linux que nun se traten de manera específica nestes instrucciones d'instalación. El principal aspeutu nel que pueden apaecer diferencies ye no que cinca a la integración col escritoriu.

El direutoriu «desktop-integration» contien un paquete nomáu libreoffice3.3-freedesktop-menus-3.3.1.noarch.rpm (o asemeyáu). Esti ye un paquete pa toles distribuciones de Linux que son compatibles coles especificaciones/recomendaciones de Freedesktop.org (http://en.wikipedia.org/wiki/Freedesktop.org), y s'ufre pa instalar n'otres distribuciones de Linux que nun tean cubiertes nes instrucciones anteriores.
			
Instalar un paquete d'idioma
----------------------------------------------------------------------

Descarga'l paquete d'idioma pal idioma y plataforma que quieras. Tan disponibles nel mesmu llugar que'l archivu principal d'instalación. Dende'l alministrador de ficheros Nautilus, estrái l'archivu descargáu en dalgún direutoriu (por casu, nel escritoriu). Tienes d'asegurate de que colasti de toles aplicaciones de LibreOffice (incluyíu QuickStarter, si tuviera executándose).

Cambia al direutoriu nel qu'estraxisti el paquete d'idioma descargáu.

Agora cambia de direutoriu al que se creara nel procesu d'estraición. Por casu, pal paquete d'idioma francés d'un sistema basáu en Debian o Ubuntu de 32 bit, el direutoriu ye LibO_. más una información de versión. más Linux_x86_langpack-deb_fr.

Agora, cambia al direutoriu que contién los paquetes pa instalar. Nos sistemes basaos en Debian o Ubuntu, el direutoriu ye DEBS. Nos sistemes Fedora, Suse o Mandriva, el direutoriu llámase RPMS.

Dende'l alministrador de ficheros Nautilus, calca col botón drechu nel direutoriu y escueye'l comandu «Abrir nun terminal». Na ventana del terminal que vienes d'abrir, executa'l comandu pa instalar el paquete d'idioma (con tolos comandos darréu, va pidite qu'escribas la contraseña del usuariu root):

Pa los sistemes basaos en Debian o Ubuntu: sudo dpkg -i *.deb

Pa los sistemes basaos en Fedora: su -c 'yum install *.rpm'

Pa los sistemes basaos en Mandriva: sudo urpmi *.rpm

Pa otros sistemes qu'usen RPM (Suse, etc.): rpm -Uvh *.rpm

Executa agora una de les aplicaciones de LibreOffice - Writer, por casu. Entra nel menú Ferramientes y escueyi Opciones. Nel cuadru de diálogu Opciones, calca en «Configuración de llingua» y, darréu, en «Llingües». Estenderexa la llista «Interfaz d'usuariu» y seleiciona l'idioma que vienes d'instalar. Si te peta, fai lo mesmo cola «Configuración llocal», la «Moneda predeterminada» y la «Llingua predeterminada pa los documentos».

Dempués d'axustar eses preferencies, calca Aceutar. Se zarrará'l cuadru de diálogu, y verás un mensaxe informativu diciendo que los cambeos s'activarán dempués de zarrar LibreOffice y volver a executalu (alcuerdate de zarrar tamién QuickStarter si tuviera executandose).

La siguiente vez qu'executes LibreOffice, s'aniciará col idioma que vienes d'instalar.
			
----------------------------------------------------------------------
Problems During Program Startup
----------------------------------------------------------------------

Les dificultaes de partida LibreOffice (por exemplu, aplicaciones colingaes), asina como problemes cola visualización en pantalla son causaos a menudo pol controlador de la tarxeta gráfica. Si ocurren estos problemas, por favor, anova el to controlador de la tarxeta gráfica o intenta usar el controlador de gráficos entregáu col sistema operativu. Les dificultaes amosando oxetos en 3D a menudo pueden resolvese mediante la desautivación de la opción "Usar OpenGL" en "Ferramientas - Opciones - LibreOffice - Vista - Vista 3D".
			
----------------------------------------------------------------------
Combinación de tecles
----------------------------------------------------------------------

En LibreOffice sólo se pueden usar les tecles d'accesu direutu (combinaciones de tecles) que use'l sistema operativu. Si una combinación de tecles de LibreOffice nun furrula como se describe na aida de LibreOffice, mira a ver si esi accesu direutu yá lu usa'l sistema operativu. Pa resolver estos problemes, puedes camudar les tecles asignaes pol sistema operativu. Tamién, puedes camudar casi cualesquier asignación de tecles en LibreOffice. Si quies más información, consulta l'aida de LibreOffice o la documentación d'aida del sistema operativu.
			
----------------------------------------------------------------------
Bloquéu de ficheros
----------------------------------------------------------------------

El bloquéuo de ficheros ta habilitáu de mou predetermináu en LibreOffice. Nuna rede qu'use'l protocolu de "Sistema de ficheros de rede" (NFS), el degorriu de bloquéu pa veceros NFS tien de tar activu. Pa desactivar el bloquéu de ficheros edita'l ficheru de comandos soffice y camuda la llinia "export SAL_ENABLE_FILE_LOCKING" a "# export SAL_ENABLE_FILE_LOCKING". Si se desactiva'l bloquéu de ficheros, l'accesu d'escritura sobro un documentu nun se restrinxe namái al usuario que lu abrió primero.

Avisu: Activar la función de bloquéu de ficheros puede date problemes en Solaris 2.5.1 y 2.7 al usalos con Linux NFS 2.0. Si l'entornu del sistema tien estos parámetros, recomiéndase abondo el non usar la función de bloquéu de ficheros. De lo contrario, LibreOffice va bloquease cuando intentes abrir un ficheru dende un direutoriu montáu con NFS nun equipu con Linux.
			
----------------------------------------------------------------------
Rindimientu gráficu
----------------------------------------------------------------------

De mou predetermináu, LibreOffice prefier unos gráficos ameyoraos antes que la velocidá. Si sufres gráficos lentos, pue ser útil desactivar la opción 'Ferramientes - Opciones - LibreOffice - Ver - Usar el suavizáu'.
			
----------------------------------------------------------------------
Notes d'Acesibilidá Importantes
----------------------------------------------------------------------

Pa más información tocante les carauterístiques d'accesibilidá de LibreOffice visita http://www.libreoffice.org/accessibility/
			
----------------------------------------------------------------------
Asistencia al usuariu
----------------------------------------------------------------------

La páxina principal de sofitu en http://www.libreoffice.org/support/ ufre delles posibilidaes d'aida pa LibreOffice. Delles cuestiones puen tar yá contestaes - mira nel foru de la comunidá en http://www.documentfoundation.org/nabble/ o gueta nos archivos de la llista de corréu 'users@libreoffice.org' en http://www.libreoffice.org/lists/users/. De mou alternativu, pues unviar les tos cuestiones a users@libreoffice.org. Si quies suscribite a la llista (pa tener respuestes per corréu), unvia un corréu electrónicu baleru a: users+subscribe@libreoffice.org.

Llee tamién la seición d'Entrugues Frecuentes en http://www.libreoffice.org/faq/.
			
----------------------------------------------------------------------
Reportar errores & problemes
----------------------------------------------------------------------

El sistema qu'usamos anguaño pa informar, facer el siguimientu ya iguar errores ye BugZilla, agospiáu de mou bonal en https://bugs.freedesktop.org/. Encamentamos a los usuarios que se sientan bienllegaos y autorizaos a informar de los errores que pudieren ocurrir nes sos plataformes concretes. Informar activamente de los errores ye una de les collaboraciones más importantes que la comunidá d'usuarios pue facer a la meyora y desendolcu continuu de LibreOffice.
			
----------------------------------------------------------------------
Implicase
----------------------------------------------------------------------

La Comunidá de LibreOffice podría beneficiase asgaya de la to participación activa nel desendolcu d'esti importante proyeutu de software abiertu.

Como usuariu, yá yes una parte pervaloratible del procesu de desendolcu d'esta suite y nos prestaría encamentate que xuegues un papel entá más activu, col envís de facete collaborador a llargu plazu de la comunidá. Xúntate y mira la páxina de collaboración en http://www.libreoffice.org/contribution/
			
Cómo entamar
----------------------------------------------------------------------

La meyor manera de principiar la collaboración ye suscribite a una o más de les llistes de corréu, chisbar un tiempu y, adulces, usar los archivos de corréu p'afayate colos diversos temes trataos dende que se lliberó'l códigu fonte de LibreOffice n'ochobre de 2000. Cuando teas más cómodu, tolo que necesites ye unviar un corréu electrónicu de presentación y ponete cola xera. Si tas asináu a los proyeutos de códigu abiertu, pues ver les llistes de xeres pendientes en http://www.libreoffice.org/develop/, y ver si hai dalgo no que te prestaría ayudar.
			
Soscribi
----------------------------------------------------------------------

Equí tan delles llistes de corréu a les que te pues suscribir en http://www.libreoffice.org/contribution/

* Noticies: announce@documentfoundation.org *s'encamienta pa tolos usuarios* (tráficu llixeru)
* Llista principal pa usuarios: users@libreoffice.org *la manera fácil de chisbar los alderiques* (tráficu intensu)
* Proyeutu de publicidá: marketing@libreoffice.org *más allá del desendolcu* (tráficu n'aumentu)
* Llista xeneral pal desendolcu: libreoffice@lists.freedesktop.org (tráficu intensu)
			
Xunise a un o más proyeutos
----------------------------------------------------------------------

Puedes faceer contribuciones pergrandes a esti proyeutu de códigu abiertu anque tengas poca esperiencia colos códigos o'l diseñu de software. ¡Sí, Tu!

Esperamos que te preste trabayar col nuevu LibreOffice 3.3. Xúnite a nós en llinia.

La comunidá de LibreOffice
			
----------------------------------------------------------------------
Códigu fonte usáu/modificáu
----------------------------------------------------------------------

Portions Copyright 1998, 1999 James Clark. Portions Copyright 1996, 1998 Netscape Communications Corporation.